“Azəruçot” Məhdud Məsuliyyətli Cəmiyyəti Azərbaycan Respublikası Ədliyyə Nazirliyi Hüquqi şəxslərin dövlət qeydiyyatı üzrə  Bakı Bölgə Şöbəsi tərəfindən “13” mart 2003-cü il tarixdə Dövlət Qeydiyyatına alınmış,  0103-P7-37414 nömrəli ŞƏHADƏTNAMƏ verilmişdir. Şirkətin əsas fəaliyyət istiqamətləri təşkilati-hüquqi və mülkiyyət formasından asılı olmayaraq fəaliyyət göstərən təsərrüfat subyektlərində mühasibat uçotunun təşkili, aparılması, mühasibat hesabatlarının tərtibi, uçot siyasətinin formalaşdırılması, təsərrüfat fəaliyyətinin predmetindən asılı olaraq sistemdaxili uçotun qurulması, büdcə-vergi qanunvericiliyinə riayət edilməsi üzrə məsləhət verilməsi, təlimlərin keçirilməsi və digər əlaqəli sahələr üzrə Elmi-Metodiki Xidmətlər göstərilməsi olmuşdur.
               Ölkəmizdə aparılan uğurlu iqtisadi islahatlar müstəvisində yaranan yeni təsərrüfatçılıq münasibətlərinin tələblərinə uyğun olaraq fəaliyyətin təkmilləşdirilməsi, eyni zamanda müasir dövrün çağırışlarına cavab olaraq “Azəruçot” Elmi-Metodiki Xidmət MMC  2021-ci ilin sentyabr ayından etibarən auditor təşkilatına çevrilməsi qərara alınmışdır. Bununla bağlı Qanunvericiliyə uyğun olaraq Azərbaycan Respublikasının Auditorlar Palatasına müraciət olunmuş və 22 noyabr 2021-ci il tarixli AT/238 nömrəli İCAZƏ sənədi ilə auditor fəaliyyətinə icazə verilmişdir. Göstərilən tarixdən etibarən “Azəruçot” MMC auditor xidmətlərinin göstərilməsini həyata keçirir.